Кеча, 18 декабрь куни Қозоғистоннинг Алмати шаҳрида Осиё каратэ федерацияси (АКФ) ижроя қўмитасининг навбатдаги йиғилиши бўлиб ўтди ва унда Осиё каратэ федерациясининг биринчи вице-президенти Алам Муллаев ҳам иштирок этди.
Туризм ва спорт вазирлигининг қайд этишича, мазкур тадбирда каратэ бўйича ўтказиладиган навбатдаги Осиё чемпионатларининг ташкилий масалалари муҳокамада бўлган.
Якунда 2022 йилда бир йўла иккита Осиё чемпионатини ўтказиш учун Ўзбекистон мезбон сифатида танлаб олинган. Унга кўра, катталар ўртасида Осиё чемпионати ва 14 ёшдан 21 ёшгача бўлган ёшлар ўртасида ҳам қитъанинг энг нуфузли мусобақалари айнан Ўзбекистонда бўлиб ўтади.
