Самарқанднинг Каттақўрғон туманида яшовчи фуқаро профилактика инспекторининг машинасини ёқиб юборди.
Маълум бўлишича, воқеа жорий йилнинг июл ойида содир этилган. Маст фуқаронинг жамоатчилик жойида жанжал кўтарётганлиги устидан инспекторга шикоят келиб тушади. Профилактика инспектори ўз ҳамкасби билан мурожаатни ўрганиш учун фуқаронинг уйига боради. Аммо у ерда тортишув яна бошланади. Фуқаро инспекторнинг қонуний талабларига бўйсинмай, қўлида пичоқ билан уларга ташланади. Жанжални тўхтатиш учун инспекторлар туман ички ишлар бўлимидан тергов-тезкор гуруҳни чақиришади. Бу пайтда фуқаро уларнинг қаровсиз қолган машинасини ёқиб юборишга улгурган.
Суд қарори билан фуқарога нисбатан 4 йилу, 8 ой муддатга озодликдан маҳрум қилиш жазоси тайинланган.
