Номаълум шахс Санкт-Петербург – Нур-Султан йўналиши бўйлаб парвоз қилаётган Қозоғистоннинг Air Astana авиакомпаниясига қарашли самолёт портлатилиши мумкинлиги ҳақида хабар жўнатди, деб маълум қилди Қозоғистон Саноат ва инфратузилмавий ривожланиш вазирлиги матбуот хизмати.
"Air Astana компаниясининг Call-марказига 18 ноябрь куни соат 00:45 ларда 138 - Пулково – Нур-Султан рейси портлатилиши мумкинлиги ҳақида маълумот келиб тушди", – дея маълум қилган вазирлик матбуот-хизмати.
Кейин хабар берилишича, соат 2:49 да борт эсон-омон ерга қўнган. Ҳодисанинг бошқа тафсилотлари ошкор этилмади, дейилади РИА Новости тарқатган хабарда.
