Туркиянинг мухолифатчи “Ода ТВ” ахборот портали Анқара томонидан давлат тўнтаришига уринишда айбланган исломий уламо Фатҳуллоҳ Гулен заҳарланган бўлиши ва аллақачон ўлган бўлиши мумкинлигини даъво қилмоқда. Порталнинг пайшанба куни хабар беришича, Гулен ФЕТО ташкилоти унинг тириклигини тасдиқлаган видеоси монтаж қилган.
Ода ТВнинг хабар беришича, Гулен чоршанба куни кечқурун АҚШнинг Пенсилвания штатидаги уйида заҳарланган. Унинг даврасидан яна бир киши ҳам вафот этган. Вилла ходимларига матбуот билан алоқа қилмаслик буюрилган. Порталнинг таъкидлашича, бу маълумотлар унга махсус хизматлар вакиллари томонидан тасдиқланган.
Айни пайтда Гулен ташкилоти раҳбари стулда ўтириб намоз ўқиётгани акс этган видеони эълон қилди. Бироқ Ода ТВ бу видеони илгари эълон қилинган ваъзгўйнинг бир хил кийим кийгани акс этган учта видеонинг монтажи деб ҳисоблайди.
Ҳозирча бошқа турк ОАВларида Гуленнинг аҳволи ҳақида расмий ва аниқроқ маълумот йўқ.
2016 йилнинг 15 июлида Туркия Қуролли кучларининг бир гуруҳ аскар ва зобитлари давлат тўнтаришига уринишган. Асосий қарама-қаршилик Истанбул ва Анқарада бўлиб ўтди, 250 киши ҳалок бўлди, қўзғатувчиларни ҳисобга олмаганда, 2 мингдан ортиқ киши жароҳат олди. Анқара АҚШда ислом даъватчиси Фатҳуллоҳ Гулен ва унга алоқадор ФЕТОни давлат тўнтаришига тайёргарлик кўрганликда айблайди.
