Бироз аввал Навоий вилояти Конимех тумани Караката О.Ф.Й. ҳудудида жойлашган Лолазор номли чўл ҳудудида тупроқ таркибидан тилло қумларини кавлаб олиш билан шуғулланган бир гуруҳ фуқаролар қум остида қолгани ҳақида хабар берган эдик.
Бош прокуратура матбуот хизмати ҳолат юзасидан қўшимча маълумот берди.
"Туман прокуратураси томонидан терговга қадар текшириш ҳаракатлари олиб борилмоқда" дейилади хабарда.
Эслатиб ўтамиз, бахтсиз воқеада 4 нафари вафот этган.
Ижтимоий тармоқларда 40-50 кишини қум босиб қолганлиги ҳақида тарқалган маълумотлар ҳақиқатга туғри келмайди.
