Бутунроссия давлат кинематография институти (ВГИК)нинг Тошкент филиали директори Элдор Юлдашевга Истанбул академиясининг “Фахрий академик” унвони тақдим этилди. Бу ҳақда Кинематография агентлиги Ахборот хизмати хабар қилди.
Истанбул академияси – 2010 йилда ташкил этилган бўлиб, Туркия Республикасидаги биринчи ва профессионал киномактаб саналади.
Киноакадемия ҳозирда “Қодир Хас” университети, Нью-Йоркнинг Колумбия университети, Италиянинг Пегасу университети билан ҳамкорликда таълим жараёнларини олиб боради. Унинг битирувчилари Туркиянинг кўзга кўринган киномутахассислари бўлиб етишган.
Эндиликда ВГИКнинг Тошкент филиали ҳам Истанбул академияси билан профессиоанал кадрлар етиштириш бўйича ҳамкорлик алоқаларини ўрнатади.
