"Бунёдкор-W" жамоаси бош мураббийи Элмира Гулямова бугунги "Амман СК"га қарши кечган учрашувдан сўнг ўз фикрларини айтиб ўтди:
"Шаҳрдари Сиржан" жамоаси билан ўйинимизни кўриб чиқдик, ҳар бир хатони синчковлаб ўргандик. Ўйинчиларимга вазиятни тушунтириш, уларни тушкунликка тушмасдан, кейинги ўйинга тайёрлаш зарур эди. Кечаги ўйинолди машғулотимизда ҳар бир ўйинчининг қилган хатолари устида иш олиб бордик. Эрон жамоаси билан кўрсатган ўйинимиз бизнинг услубимиз эмас эди.
Футболчиларимга доим агрессив ва физик тарафдан кучли ўйнашлари кераклигини айтаман. Лекин бу қўполлик ва қоидабузарликка ўтмайди, албатта. Бугун шундай футбол ўйнадик ва ғалаба қозондик.
