«Тоттенҳэм» бош мураббийи Антонио Конте Лондон клубида бир қатор янги чекловлар жорий қилди
Daily Mail хабарига кўра, италиялик мураббий машғулотлар пайтида «Тоттенҳэм»нинг аксарият ўйинчиларига ортиқча вазни борлигини айтган.
Конте барча футболчиларга тушликни клуб қароргоҳида қилишни мажбурий қилган. Мураббийнинг қарорига кўра, футболчиларнинг овқатланиш рационидан қийин ҳазм бўладиган таомлар, сэндвич, кетчуп ва майонез олиб ташланган.
Шунингдек, ўйинчиларга мевали соклар ўрнига кўпроқ мева истеъмол қилиш, ошпазлардан писта ва сарёғдан камроқ фойдаланиш сўралган.
Эслатиб ўтамиз, «Тоттенҳэм» АПЛ 11-туридан кейин 16 очко билан турнир жадвалида 9-ўринни эгаллаб турибди.
