Санкт-Петербургда коронавирусга қарши эмланиши керак бўлган одамлар рўйхатини сезиларли даражада кенгайтирувчи фармон имзоланди, деб хабар беради РБК нашри.
Шу пайтгача шаҳарда фақат ижтимоий аҳамиятга эга соҳа ходимлари мажбурий эмлашдан ўтказилар эди.
Энди 60 ёшдан ошган барча фуқаролар, шунингдек, сурункали касалликларга чалинганлар (шу жумладан бронхопулмонер, юрак-қон томир ва эндокрин тизимларида муаммоси борлар)ҳам эмлашлари керак бўлади.
Бундан ташқари, эмлаш касб-ҳунар мактаблари ва университетларнинг 18 ёшдан ошган талабалари учун ҳам мажбурий этиб белгиланган.
Қайд этилишича, ҳукумат вакцинанинг биринчи компоненти билан аҳолини 15 декабргача, иккинчи компонент билан эса 15 январгача эмлашни таъминлаши керак.
