Айни пайтда Пискент туманида Тошкент вилояти ҳокими соврини учун катта улоқ-кўпкари мусобақаси бошланиш арафасида, дея хабар бермоқда вилоят ҳокимлиги.
Олис-яқиндан келган юзлаб маҳоратли чавандозлар кўпкари мусобақасига тайёргарлик кўрмоқда.
Бугунги халқ сайли дарагини эшитганлар юзлаб чақиримдан келмоқда.
Сайилда ўнга яқин миллий спорт турлари бўйича ҳам мусобақалар ўтказилади. Асосий майдон яқинида кураш, ўзбек жанг санъати, камондан ўқ отиш ва бошқа спорт турлари бўйича беллашувлар ташкил этилади.
Беллашувларда республикамизнинг барча ҳудудларидан спортчилар, ҳаваскор ёшлар иштирок этади.
.
