Россия Федерациясининг "Концерн Титан-2" компанияси Калининград вилоятида қурилиш соҳасида (каменщик, кровельщик, монтажники, арматурщик, бетонщик, подсобный рабочий, слесарь сантехник, электрогазосварщик, облицовщик-плиточник, штукатур, маляр, дорожный рабочий) вақтинчалик меҳнат фаолиятини амалга ошириш истагида бўлган фуқаролар ўртасида танлов ўтказади. Бу ҳақда Ташқи меҳнат миграцияси агентлиги хабар берди.
Танловдан ўтган фуқароларни ишга жалб қилиш билан боғлиқ, жумладан, тиббий кўрикдан ўтказиш, эмлаш, патент расмийлаштириш, транспорт, яшаш харажатлари иш берувчилар томонидан қопланиши кўзда тутилмоқда.
Фуқаролар танловга фуқаролик ҳамда хорижга чиқиш паспортлари билан келишлари сўралади.
Номзодлар учун талаблар:
23 ёшдан;
судланмаган бўлиши;
мутахассислиги бўйича малака сертификати ва камида 3 йиллик иш тажрибаси;
Ўзбекистондан чиқишга ва Россияга киришга таъқиқ қўйилмаган бўлиши.
Ойлик маош ўртача 35 минг - 80 минг рубль (иш ҳажми ва графигига боғлиқ).
Ишлаш истагида бўлган фуқаролар қуйидаги ҳавола орқали рўйхатдан ўтишлари мумкин.
