Англиянинг “Манчестер Юнайтед” жамоаси “ПСЖ” ҳужумчиси Златан Ибрагимовични сотиб олишга ҳаракат қилади, деб хабар бермоқда Star Sport нашри.
Манбанинг таъкидлашича, манкунианликлар 34 ёшли швециялик футболчини қўлга киритиш учун 24 млн фунт (қарийб 30 млн евро) тўлашга тайёр. Агар Златан “МЮ”га ўтишга розилик берса унинг ҳафталик маоши 250 минг фунт (316 минг евро)ни ташкил қилади.
Келишув амалга ошса, Златан Ибраимович “Орзулар Теарти”да энг кўп маош олувчи футболчига айланади. Айни дамда Уэйн Руни (300 минг евро) клубда барчадан кўп маош олади.
Швециялик 34 ёшли ҳужумчига Лондоннинг бир йўла икки клуби – “Челси” ва “Арсенал” ҳам қизиқиш билдирмоқда.
