Анчадан бери мухлисларига видеоклип тақдим этмаётган Ўзбекистон ва Қорақалпоғистон халқ артисти Озодбек Назарбеков апрел ойига режалаштирилган концертига тайёргарлик кўриш баробарида янги клип устида иш бошлаб юборди.
Санъаткорнинг Мавлоно Лутфий сўзлари билан куйланган янги қўшиғига клип тасвирга туширилди. “Жиги-жиги” қўшиғига ишланган янги клип ёш актёрлар иштирокида суратга олинди.
Тасвирга олиш ишлари "Мени кучлироқ сев" қўшиғи клипи устида ишлаган "9999" студиясига топширилди. Клип тез кунларда телеканаллар орқали намойиш этилади.
Озодбек Назарбеков 10-20 апрель кунлари "Истиқлол" санъат саройида ўзининг "Меҳринг сабаб" деб номланган яккахон концерт дастурини тақдим этади.
