Икки хил ҳаётни яшаётган Шьямнинг режаси қандай якун топади? Бу савол аксарият сериал ишқибозлари каби сизни ҳам ўйлантираётган бўлса ажабмас.
• Кхуши кийим-кечакларини йиғиб, Арнавнинг хонасига кўчиб ўтади. «Қайлиғи» ни эса ҳовуз ёнига «сургун» қилади. Кхуши қизил атиргулларни ёқтириши ҳақида Анжалига сўзлаб берганди. Арнав айнан шу турдаги гулларни харид қилаётган Шьямни кўриб қолади. Иккиси жанжаллашади. Шьям чиндан ҳам Кхушига гулдаста сотиб олаётганмиди?
• Арнав, Кхуши тайёрлаган таомни мақтаб-мақтаб тановул қилади. Либослар танловида иштирок этишни истаётган Манорамани дўстлари ва Пайял қўллаб-қувватлайди. Кхуши Арнавнинг ҳамкасблари учун таом пиширади. Овқат барчага манзур келади. Ҳамкасблари Кхушинга бир илтимосимиз бор дейишади.
• Кхуши ланч учун егуликлар тайёрлашни йўлга қўяди. Анжалининг ҳисоб рақамига пул тушишини тўхтатиб қўйгани учун Шьям Арнавга жахл қилади. Кхуши, Арнавнинг офисига егуликларни етказиб бериш йўлини излаб топади. Офисдаги ошхона соҳибининг норозилиги Арнавни қуюшқондан чиқаради. Кхушинга қаттиқ сўзлаб, бизнесингни йиғиштир дейди.
• Арнавнинг фикрича, Кхуши Анжалига зиён етказмоқчи. Шуни деб уни сиқувга олади. Шьям, Арнав ва Кхушининг суҳбатини эшитиб қолади ва барчасини Анжалига етказади. Арнав ва Кхуши айтишиб қолишганини барчадан сир тутишади. Нани асал ойи учун Арнавга чипта совға қилади.
• Анжали ва Нани, Арнав ва Кхуши муносабатларига илиқлик киритишни истаб, уйни меҳмонхонага айлантиришади. Иккисини Манорама ва унинг умр йўлдоши қарши олади. Шьям, Кхушига гулдаста совға қилади. Албатта, бу иши Арнавнинг нафсониятига тегмай қолмайди. Уйдагиларнинг режасига кўра Арнав ва Кхуши алоҳида хонага олиб кирилиб, эшик қулфланади. Энди ҳам муҳаббатларини тан олишмасмикан-а?
• Ёлғиз қолган Арнав ва Кхуши оромкурсини талашиб, охири бир қарорга келишади. Чивинларга қарши ёқилган тутатқи Арнавга ножўя таъсир кўрсатади. У овозини йўқотади. Кхуши, гапиролмаётган Арнавни лаб қимирлашидан нима истаётганини тушунади. Шьям, Арнав менга қарши режа тузаяпти деган хаёлда.
• Анжали, Арнавнинг ётоқхонасида Шьямни учратиб қолади. Бу ерда нима қилаяпсиз деган сўроққа, Шьям кийимини излаётганини айтади. Арнавнинг янги мижозлари товламачилар эканидан хабар топган Кхуши, полицияни чақиради. Арнавнинг Кхушининг бу ишига қандай муносабат билдиради?
• Полиция нозири белгиланмаган жойда тўхтаб турган Арнавнинг машинасини кўриб қолади. у Кхушиндан ҳайдовчилик гувоҳномасини сўрайди. Арнав суҳбатга аралашмайди. Арнавга ғамхўрлик кўрсатаётган Кхуши уни гиёҳлардан тайёрланган дамламалар билан муолажа қилади. Бироқ Арнав бемор ролини ўйнаяпти, холос. Нега дейсизми? Чунки у ...
• Арнав ва Кхушининг навбатдаги жанжали устидан чиққан Нани, уларни танловга таклиф этади. Иккисини романтик учрашувлар кутмоқда. Кхуши сценарий матнини ёддан чиқарди. У Арнавни роль ижро этишга кўндиради.
• Кхушини саҳнага чиқариб юборишади. Қизни ноқулай вазиятдан қутқариш учун Нани, Арнавни йўлга солади. Иккисининг чиқиши томошабинларга маъқул келади. Танловдан кейин улар яна тортишиб қолишади.
