FlyDubai авиакомпаниясининг ҳалокатга учраган Boeing 737-800 самолёти Россиянинг Ростов-Дон аэропортида жадвал бўйича қўниш пайтида ҳалокатга учраган.
Бу ҳақда ТАСС нашрига авиадиспетчерлик хизматидан хабар беришган.
Самолёт Москва вақти билан 03:40 да қўниши лозим бўлган.
Манбанинг маълумот беришича, “Парвоз штат тартибида амалга оширилган, самолёт бортида ҳеч қандай муаммо бўлмаган, у жадвал асосида қўнмоқчи бўлган, аммо дарров қўна олмаган. Экипаж командири диспетчерга 03:42 да иккинчи марта қўнишга ҳаракат қилишини билдирган. Самолёт қўнмоқчи бўлганда, ёнбошдан эсган кучли шамол оқибатида ағдарилиб кетган”.
Манбанинг маълумотларига кўра, илк қўниш ҳам айнан ёнбошдан эсган шамол оқибатида амалга оширилмаган.
