“Реал Мадрид” жамоаси ва шахсан Криштиану Роналду етим қолган 5 ёшли фаластинлик Аҳмад Давабша билан учрашиши ҳақида хабар берган эдик.
5 ёшли болакай ўз кумири Криштиану Роналду билан Мадрид шаҳридаги “Сантьяго Бернабеу” стадионига ташриф буюрди. У ерда махсус фотосессия ташкил этилди. Шундан сўнг Роналду ўз имзоси қўйилган футболкани фаластинлик кичик мухлисига совға қилди.
Эслатиб ўтамиз, Аҳмад Давабшанинг ота-онаси ва акаси исроиллик экстримистлар томонидан уюштирилган портлаш оқибатида вафот этган. 5 ёшли болакай эса омон қолган. Аҳмад Давабша даҳшатли воқеадан сўнг 10 маротаба жарроҳ столига ётишга мажбур бўлди. Портлаш оқибатида унинг танасидаги аксарият қисми куйиб кетган эди.
