Парижда янги терактни амалга оширишни режалаштирган уч эркак ва бир аёлдан иборат террорчилар гуруҳи қўлга олинди, деб хабар берди “Тass.ru” нашри.
Француз ички хавфсизлик бош бошқармаси ходимлари томондан Парижнинг жиноятлар сони юқори бўлган ҳудудларида ўтказилган тадбир давомида уч эркак ва бир аёлдан иборат террорчилар гуруҳи қўлга олинган.
Эркакларнинг икки нафари ака-ука Айтач ва Эржанлар француз фуқаролари бўлиб, асли турк миллатига мансуб. Учинчи одам ҳам турк бўлиб, исми Юсуф, аммо қизнинг исми-шарифи эълон қилинмаган.
Тинтув пайтида уларнинг уйларидан Калашников автомати ўқлари, сигнал берувчи пистолет, ахборот материаллари ва сейф топилган. Айни вақтда улар ҳибсга олиниб, суруштирув ишлари олиб борилмоқда.
