Хитой балиқ овловчи кемаси Аргентина соҳил қўриқлаш хизмати томонидан чўктириб юборилди. Бу ҳақда “РИА Новости” хабар бермоқда.
Қўриқлаш хизмати бошлиғи Мигель Анхель Рейеснинг айтишича, кема мамлакатнинг 200 мил ҳажмдаги иқтисодиёт зонаси ичида ноқонуний балиқ ови билан шуғуллангани учун чўктирилган.
“Кема чўкиши оқибатида ҳалок бўлганлар йўқ. Кема экипажи қутқариб қолинган. Улар ҳозирда Мадрин портига олиб кетилмоқда”,—дейилади хабарда.
Соҳил қўриқлаш хизмати вакилларининг сўзларига кўра, кема якшанба куни тунда мамлакатнинг балиқ овлаш тақиқланган иқтисодий зонасига кириб келган. У тақиқланган ҳудудга беш километр масофага кирган.
Хитой кемаси яширинишга уринган, у билан бирга яна икки кема ҳам бўлган, бироқ улар тақибдан қочишга муваффақ бўлган.
Ҳозирда кема капитани ҳибсга олинган. У балиқ тутиш бўйича Аргентина қонунларини бузганлиги учун суд олдида жавоб беради.
