Россия давлат думаси депутатлари АҚШ президентлигига номзод Хиллари Клинтонни “Ярошенко рўйхати” га киритиб, санкция билан жазолашни таклиф этишди, деб хабар берди “Vesti.ru” нашри.
Ташаббус муаллифларининг фикрича, “Ярошенко рўйхати” да 2010 йилдан бери АҚШ бош котиби лавозимида хизмат қилиб келган Хиллари Клинтон етакчилик қилиши лозим. Санкция рўйхатига Нью-Йорк штати Жанубий округи федерал прокурори Приту Бхарару, Нью-Йорк округ суди судьяси Жед Ракофф, АҚШнинг Африка гиёҳвандликка қарши курашиш бўлими бошлиғи Сэм Гей ва Ярошенконинг даъво аризасини аппеляцион тартибда кўриб чиқишдан бош тортган аппелация судлари ҳам киритилган.
Россиялик учувчи Константин Ярошенкони Америка ҳукумати гиёҳвандлик контрабандасида айбдор деб топиб, 20 йил қамоқ жазосига ҳукм қилган. Терговнинг тахминига кўра учувчи Жанубий Америкадан Африкага ва АҚШга гиёҳвандлик моддаси ташиган. Константин Ярошенко илк маротаба 3 март куни алоқага чиқиб, Америка гиёҳвандликка қарши курашиш бўлими сирлари фош бўлмаслиги учун уни йўқ қилишмоқчи эканлигини хабар қилган. Ярошенко юраги оғриётгани, боши айланиб, кўнгли айниётганидан шикоят қилгач, январь ойида хусусий клиникалардан бирида жарроҳлик операциясига ётқизишган. Аммо уни дарров қамоқхонага қайтаришган ва керакли дори-дармон билан таъминлашмаган. Россия ҳукумати Ярошенконинг соғлигидан хавотирланиб, Америка ҳукуматига бир неча маротаба мурожаат қилган.
