Хитойнинг “Гуанчжоу Эвергранд” футбол клуби Мадриднинг “Реал” ва “Манчестер Юнайтед” жамоаларини ортда қолдириб, дунёнинг энг бой жамоасига айланди. Бу ҳақда Xinhuanet нашрига таяниб, “Championat.com” хабар бермоқда.
Хитой клуби NEEQ акцияларини рекорд қийматга сотиб, молиявий ҳолати 3 млрд еврога етказиб олди. 2015 йил якунларига кўра, “Реал” клубининг молиявий ҳолати 2,95 млрд еврони, “МЮ”ники эса 2,9 млрд еврони ташкил қилганди.
Эслатиб ўтамиз, “Гуанчжоу Эвергранд” Осиё чемпионлар лигасининг амалдаги ғолиби ҳисобланади. Шунингдек, ушбу клуб қишки трансфер мавсумида “Атлетико” Мадриддан Жексон Мартинесни Осиё футболи учун рекорд ҳисобланган 42 млн евро эвазига харид қилиб, янги рекорд ўрнатди.
