Сўнгги пайтларда хонанда Ким Кардашьян ва Канье Уэст оиласида нотинчлик ҳукм сурмоқда, деб ёзади ELLE нашри.
Ким турмуш ўртоғининг тез-тез дарғазаб бўлишига тоқат қилолмаяпти. Канье сўнгги пайтларда ҳеч ким, жумладан ҳамкасблари, хотини билан муроса қилолмаяпти.
Маълумотларга кўра, Кимнинг сабр косаси тўлишига Каньенинг таниқли Америка шоуларидан бирида қилган чиқиши сабаб бўлган. Айтишларича, Ким турмуш ўртоғидан яширинча ажрашиш бўйича адвокатга мурожаат қилган.
Оиланинг дўстлари таъкидлашича, Ким сўнгги дақиқагача турмуш ўртоғига муаммоларини бартараф этишга кўмаклашган. Канье бундан олдин ҳам чидаб бўлмас даражадаги феъл-атворини бир неча марта намоён этган ва оила психотерапевтга мурожаат этишга мажбур бўлган. Психотерапевт тавсия қилган муолажалари Каньега ижобий таъсир кўрсатган. Аммо бироз муддатдан сўнг Канье муолажаларни тўхтатиб қўйган.
Ким Каньедан бир неча марта психотерапевт ёзиб берган муолажаларни давом эттиришни сўраган. У эса рафиқасининг талабини рад этиб келмоқда.
