Мадриднинг “Реал” жамоаси ҳужумчиси Криштиану Роналду футболчилик фаолиятини якунлаганидан сўнг ўзини киноактёр сифатида синаб кўришини айтиб ўтди.
“Ўзимни Голливуд фильмларида синаб кўришим мумкинми? Нега энди йўқ? Ҳозирча бундай вазифани ўз олдимга мақсад қилиб қўймаганман, аммо, бу борада менга таклифлар келиб тушган. Ҳозиога ҳаёт тарзим билан буни уддалаш қийин бўлади. Чунки, машғулотлар ва ўйинлар жуда кўп. Келажакда бу менга қизиқ бўлади.
Менимча, асосий ролни ижро эта олмасам керак. Иккинчи даражали ролни ижро этиш ҳам қийин бўлади. Актёрлик маҳоратини тажрибали актёрлардан ўрганишим керак. Бу соҳада юқори натижага эришиш учун кўп ишлаш талаб этилади.
Футболчи ва актёр орасида фарқ жуда катта деб ўйлайман. Актёр – чиройли ва мураккаб касб саналади. Умуман олганда эса, эртами-кечми, катта кинода рол ўйнашимга ишонаман. Кичик ролларда ўзимни синаб кўраман. Қолганини кейин кўрамиз”, - дейди португалиялик футболчи.
