Туркиянинг жануби-шарқида жойлашган Шанлиурф шаҳри полицияси қидирувда бўлган худкуш-террорчи аёлни қўлга олди.
Чап радикал “ Фронт – халқ инқилоби ва озодлик партияси” экстремистик гуруҳининг аъзоси бўлмиш Дилек Кайя Истамбулнинг Султонаҳмад майдонидаги портлашда айбланиб, қидирувда бўлган, дея хабар берди Vesti.ru нашри.
Бу портлаш 2015 йилнинг 6 январида полиция маҳкамаси ёнида содир этилган, оқибатда бир нафар полициячи қурбон бўлган. Портлашни амалга оширган худкуш-террорчи аёл — россиялик Диана Рамазонова ҳам воқеа жойида ҳалок бўлган.
“Фронт – халқ инқилоби ва озодлик партияси” экстремистик гуруҳи 1978 йилда тузилган бўлиб, Туркия ҳукумати уни бир қанча террорчилик терактларини амалга оширганликда, жумладан, 2013 йилнинг февраль ойидаги АҚШ элчихонасига ҳужум уюштирганликда ва 2015 йилнинг март ойида прокурор Селим Киразни Истамбулдаги “Адолат саройи”да гаровга олиб, кейин қатл этганликда айблади.
