Апрелда ўн кунлик концертини тақдим этишни ният қилган халқ артисти Озодбек Назарбековдан негадир бу йил хит қўшиқ тақдим этилмаётгани мухлисларини ҳавотирга солмоқда. Бунга ойдинлик киритиш мақсадида у билан боғландик...
- Концертга оз вақт қолди. Аммо, ҳали концертни “юкини” босадиган хитдан дарак йўқ?
- Нега?! Навбати билан янги қўшиқларни хит бўлиши учун мухлисларга тортиқ этяпмиз-ку! “Кетса кетар” номли қўшиқ ва Алишер Навоий ғазали билан айтиладиган “Юрак санчар”ни радиолар орқали тақдим этдик. Тинглаганлар ўз баҳоларини беришмоқда...
-Бироқ клип йўқ-ку?! Клип барибир қўшиқни хит бўлиши учун асосий меъзонлардан бири ахир...
- Рости шунга қўл тегмаяпти. Клип олишимиз керак. Аммо, режадаги ишлардан ортиб бўлмаяпти. Насиб қилса мухлисларга албатта клип ҳам тақдим этамиз...
Ёдгорбек ЮКСАЛ
