Хонанда Мавлуда Асалхўжаева ўзи ҳақидаги “Тўйнинг қўшиғини куйлайди” деган фикрларга жавобан “Шахсан ўзим одамлардан бундай танқидларни эшитмаганман. Тўғри, бир вақтлар мана бу қўшиқни бекор куйлабсиз дейишганда хатомни тан олган пайтларим ҳам бўлган.Бизда санъаткорлар тўй ва тадбирларнинг ортидан пул топади. Концертларга талаб у қадар катта эмас. Йилига 10-15 кунлаб концерт қўйган хонандаларимиз ҳам тўйга боришади. Чунки даромадни шундан топамиз”, дея жавоб берди. Бу ҳақда у “Qalampir.uz” нашрига берган интервьюсида айтиб ўтди.
Шунингдек, у хонанда Гулсанам Мамазоитовани танқид қилганларга қуйидагича фикр билдирди:
“Нега ёшлар ўзбекча қўшиқларни эшитмаяпти дейиш, бировни танқид қилишдан осон иш йўқ. Ким хато қилмайди, кимда камчилик йўқ? Гулсанам Мамазоитова ҳақида ҳам жуда ножўя танқидларни эшитдим. Агар унинг ижоди ҳам танқид қилинган бўлса, қолганларга нима дейиш керак, ҳайронман. Гулсанамнинг нимаси ёмон? Маданиятли, одоб-ахлоқи жойида, тарбияли қиз. Ўзбекистоннинг санъатини дунёга олиб чиқаётган бўлса, бундан ортиқ яна нима қилсин? Мана 5 кун жонли ижрода концерт беряпти. Камчилигини бошқаларнинг ёнида айтиб изза қилмасдан, юзига айтиш керак. Ўша тилига эрк бераётганлар ҳадеб ёшларни ёмонлагандан кўра, ижод қилиб, ўзини кўрсатсин, ўрнак бўлсин”
