Селин Дион ҳақида суратга олинадиган фильмда бош қаҳрамон ролини Анжелина Жолининг ўзи ижро этади.
Анжелина Жоли Селин Дион ва Рене Анжелелнинг ҳаёти, муҳаббати ва ижодига бағишланган фильмни суратга олиш лойиҳаси билан банд, тайёргарлик жараёни бошлаб юборилган.
Жоли баъзи бир майда деталларни муҳокама қилиш учун Селин Дион билан учрашишни режалаштирган. Бироқ жорий йилнинг 14 январь куни Селин Дионнинг турмуш ўртоғи Рене Анжелел 74 ёшида узоқ давом этган томоқ саратони касаллигидан вафот этган, орадан бир кун ўтиб, укаси Даниэл ҳам айнан саратон касаллигидан оламдан ўтганлиги туфайли ҳозирча Анжелина Селин Дионни безовта қилгиси йўқ.
Селин Деон ва Рене Анжелел ўртасидаги ришта замонавий шоу-бизнес ҳаётида энг шов-шувли ва мустаҳкам никоҳлардан бири деб тан олинган эди.
Рене илк маротаба Селиннинг қўшиқларини 1980 йилда у 12 ёшидалигида эшитган. Унинг овозидан ҳайратланган 40 ёшли Анжелел 5 йилдан кейин ўсмир қизни юлдузга айлантиради.
Шу йили у хотинидан ажрашади, уч йилдан кейин эса “Евровидение” танловида ғолиб бўлган Селинни томошабинлар кўз ўнгида ўпиб, табриклайди. Янги лойиҳа учун манба излаётган Анжелина Жолини бу муҳаббат тарихи жуда қизиқтириб қолди. Жоли ҳозирда Селин Дион оғир кунларни бошдан кечираётганлиги сабабли, уни безовта қилишни лозим топмади, аммо унинг ҳаётини кинога кўчириш нияти борлигини қўшиқчига етказди.
