Американинг махсус премиум-класс косметик воситаларини ишлаб чиқарувчи Kiehl's компанияси, тери парваришида ишлатиладиган махсус кремларни Бен Стиллер ёрдамида омма эътиборига ҳавола этади.
Mashable’нинг хабар беришича, бу косметик воситалар хунук кексайишни истамаган инсонлар учун мўлжалланган ва “Намунали эркак-2” фильми намойиши вақтида сотувга чиқиши кўзда тутилган.
Косметик воситалар қиёфаси этиб, Стиллернинг қаҳрамони — ўзини дунёнинг биринчи эркаги деб ҳисобловчи Дерак Зуландер танланди. “Дерек терини ёшартирувчи ҳар қандай косметик воситадан фойдаланишни хуш кўрувчи инсондир. Шунинг учун айнан угина бизнинг косметик воситаларимиз юзи бўлиш ҳуқуқига юз фоиз эга деган фикрга келдик”, – дейди компания вакили.
“Намунали эркак-2” фильми муваффақиятсизликка учраган эркак-модель ҳаёти ҳақида ҳикоя қилади. Фильмда Бен Стиллердан ташқари Жастин Бибер, Оуэн Уилсон, Пенелопа Крус, Канье Уэст, Ким Кардашьян, Наоми Кэмпбелл ва Кара Делевин каби юлдузлар ҳам суратга тушишган.
