9 феврал куни Ўзбекистон халқ артисти Гулсанам Мамазоитованинг беш кунлик жонли концертига старт берилди.
Концерт жуда ажойиб ва кўтаринки кайфиятда бўлиб ўтди. Хонанданинг хит ва янги тароналари мухлисларни тинимсиз рақсларига сабаб бўлди.
Янги “Опа совчи бўлинг” деб номланган Хуршид Ҳамидов билан бирга ижро этган дуэтининг илк клип намойиши, оммалашишга улгурган Фаррух Раимов билан айтилган “Куёв” дуэти мухлисларнинг қичқириқлари билан уйғунлашиб кетди.
“Тун” таронаси хонанданинг ғамгин хонишининг тенгсизлигини исботи бўлди.
Икки блокдан иборат дастурда хонанда қизиқчиларни таклиф қилишдан “қочган” шекилли. Негаки кейинги пайтлар концертларда бир хил чиқишларни тақдим этаётган қизиқчиларимизга томошабинлар кулмай ҳам қўйишганди. “Наво шоу” кўрсатуви бошловчиси Аҳрорнинг концертдаги томошабинлар орасидан ихтиёрий чиққан жонли эркак “пультлари” ва иштирокчи мухлиса қизлар билан ўйнаган “Наво шоу”си ичак уздилиги билан йил концертларидаги янгилик бўлди. Энди концертда иштирок этиш борасида Аҳрорнинг кетмони “учади”.
Концерт хақида батафсил “Даракчи” газетасида ўқишингиз мумкин...
Ёдгорбек ЮКСАЛ
