Facebook ижтимоий тармоғидаги “Водители Ташкента” гуруҳида қолдирилган хабар эътиборимизни тортди.
Унда Дилмурод Жамолов исмли фойдаланувчи Matiz автомобили суратини жойлаштириб, унга қуйидагича изоҳ қолдирган:
“2016 йил 4 февраль куни янги ТошМИда шу Matiz`нинг бамперини қириб кетишган. Машина тоза бўлмагани ва қирилган жой унча кўзга кўринмагани учун мен буни кеча ювганимдан кейин кўрдим. 4 февраль, пайшанба куни
Машинамнинг орқасига “ХХХ-88-5Х Файзулла” деб ёзиб кетилган. Қириб кетган одам машинамнинг орқасига унинг чанглигидан фойдаланиб, телефон рақамини ёзиб кетган. Лекин мен бунга унчалик эътибор бермадим. Ўтган икки-уч кун ичида Файзулла исми ва XXX-88-5X рақами эсимда қолди. Бампер қирилганини кўрмаганлигим учун рақамга эътибор бермадим. Кеча машинамни ювгандан кейин қирилган жойни кўрдим, лекин орқа ойнадаги рақам ўчиб кетган”.
Интернет фойдаланувчиси гуруҳ аъзоларидан кимнингдир Файзулла деган таниши бўлса ва унинг телефон рақами XXX-88-5X бўлса, унга мурожаат қилишни сўраб, ўз телефон рақамини кўрсатган.
Шу ўринда, биз ҳам интернет фойдаланувчисига ёрдам бериш мақсадида “Водители Ташкента”да эълон қилинган мазкур постни чоп этишга қарор қилдик.
