Show Legend портали теннисда келишилган ўйинларда иштирок этган теннисчиларнинг исм-фамилияси қайд этилган махфий ҳужжат ҳақида мақола чоп этди, деб хабар беради “Чемпионат” нашри.
Маълумотларга кўра, рўйхатдан сўнгги ўн йил ичида топ-50 таликдан ўрин эгаллаб келаётган 16 нафар теннисчи ўрин олган.
Манбага кўра, келишилган ўйинларда иштирок этганликда россиялик Теймураз Габашвили, Александр Богомолов, Игорь Андреев, қозоғистонлик Андрей Голубев, австралиялик Ллейтон Хьюитт ва Мэттью Эбден, сербиялик Янко Типсаревич,хорватиялик Иван Додиг, испаниялик Альберт Монтаньес ва Даниэль Химено Травер, аргентиналик Хуан-Игнасио Челу, словакиялик Лукаш Лацко, чехиялик Ян Гайек, ўзбекистонлик Денис Истомин ва америкалик Майкл Рассел каби теннисчилар гумонланмоқда.
Таъкидлаб ўтиш керакки, келишилган ўйинларда иштирок этганликда гумонланаётган 15 теннисчининг саккиз нафари Австралия очиқ чемпионатида қатнашади.
