Ishsiz fuqarolarni ish bilan ta`minlash va yoshlarimizni tadbirkorlik faoliyati bilan shug`ullanishlariga keng yo`l ochib berish masalasi bugunning muhim vazifasiga aylandi.
Shunday imkoniyatdan unumli foydalanish maqsadida Uychi tuman “Yuksalish” hamda “Yorqo`rg`on” MFY da yashovchi fuqarolar X.Ergasheva, G.Olimova, B.Jalilovlar tijorat banki tomonidan berilayotgan 8 foizli imtiyozli kredit olish uchun 2019 yil avgust oyida xujjat topshirishgan. Lekin shu kungacha bank xodimlari tomonidan turli xil bahonalar ro`kach qilinib, kredit ajratilmagan.
Bundan sarson bo`lgan fuqarolar Iste`molchilar huquqlarini himoya qilish jamiyatlari Federasiyasiga yozma murojjat etib, ulardan amaliy yordam so`rashdi. Bu haqda jamiyat bo`lim boshlig`i Sherali Sattarov "Darakchi"ga ma`lum qildi.
Ushbu murojaat Federasiya mutaxassislari tomonidan o`rganilib chiqilgan. O`rganish natijasida fuqarolar X.Ergasheva, G.Olimova, B.Jalilovlarga tijorat bankidan 20 million so`mlik kreditlar o`z vaqtida ajratib berilishiga erishilgan.
