MDHning Ashxobod sammiti doirasida O`zbekiston Respublikasi Prezidenti Shavkat Mirzieyov Armaniston Respublikasi Bosh vaziri Nikol Pashinyanni qabul qildi.
Uchrashuvda savdo-iqtisodiy va madaniy-gumanitar sohalarda o`zaro manfaatli hamkorlikni yanada rivojlantirish muhimligi qayd etildi.
Hukumatlararo va idoralararo darajada o`zaro almashinuvlarni yo`lga qo`yishga kelishib olindi.
Xalqaro siyosat va ko`p tomonlama tashkilotlar doirasidagi hamkorlikka doir dolzarb masalalar ham muhokama qilindi.
