O`zbekiston Jurnalistlari ijodiy uyushmasi qoshidagi Ommaviy axborot vositalari bo`yicha Jamoatchilik kengashining yig`ilishi bo`lib o`tdi.
Hurshid Do`stmuhammad rahbarligida o`tgan yig`ilishda mamlakatimiz ommaviy axborot vositalari faoliyatidagi bugungi ahvol, yutuq va kamchiliklar, jurnalistlarning huquqiy madaniyati, burch va mas`uliyati masalalari haqida so`z bordi.
Shuningdek, kengash faoliyatini yo`lga qo`yish, uning mediamuhitda o`z o`rnini egallashi, OAV xodimlarining kasb etikasi me`yorlariga rioya etishi bilan bog`liq masalalarmuhokama qilindi va kelgusi faoliyat uchunmaqsad-vazifalar belgilab olindi.
Kelishilishicha, kengash har chorak yakuni bo`yicha yig`ilib, o`tgan vaqt davomida o`rganilganmasalalar yuzasidan hisobot tayyorlab, uni uyushma muassisligidagi “Hurriyat”gazetasi va Jurnalistlar ijodiy uyushmasi saytida e`lon qilib boradi.
O`zbekiston Jurnalistlari ijodiy uyushmasining shu yil 23 iyulda bo`lib o`tganrespublika konferensiyasida O`zbekiston Jurnalistlari kasb etikasi kodeksi qabul qilingan va ayni shu konferensiya ishtirokchilari tomonidan kodeks talablari va me`yorlari buzilish holatlarini kuzatish, tahlil qilish va tegishli xulosa chiqarish maqsadida uyushma qoshida Ommaviy axborot vositalari bo`yicha jamoatchilik kengashi saylangan edi.
Kengash etti kishidan iborat bo`lib, ommaviy axborot vositalarida ko`p yillik ish tajribasiga egataniqli jurnalist vaekspertlardan shakllantirilgan.
Kodeksda e`tirof etilganidek, Jamoatchilik kengashi milliy va xorijiy ommaviy axborot vositalarida e`lon qilingan (tarqatilgan) materiallarni jurnalistning kasb etikasi me`yorlari nuqtai nazaridan o`rganadi, tahlil qiladi, baholaydi, xulosa chiqaradi; jurnalistlik faoliyati bilan bog`liq bahsli holatlarga oydinlik kiritilishida yordamlashadi; kodeks me`yorlariga rioya etilmaslik holatlari yuzasidan taqdim etilgan murojaatlarni ko`rib chiqadi va qaror qabul qiladi; jurnalist kasb etikasiga taalluqli boshqa masalalarni jamoatchilik e`tiboriga havola etadi.
Ta`kidlash joizki, Jamoatchilik kengashi qarori jurnalistni intizomiy, ma`muriy yoki boshqa turdagi javobgarliklarga tortish uchun asos hisoblanmaydi, u tavsiya xususiyatiga ega.
