Paxta qabul qilish maskanida mansabdor shaxslari tomonidan soxtalashtirish jinoyati sodir etilganligi aniqlandi.
Bosh prokuratura huzuridagi Departamentning Shumanay tuman bo`limi tomonidan o`tkazilgan tergovga qadar tekshiruvda, “Shumanay paxta qabul qilish maskani” mansabdor shaxslari “J” fermer xo`jaligi tomonidan joriy yilning 13-15 sentyabr kunlari 2.580 kg paxta xomashyosi topshirilgan bo`lsada, jamiyat pul mablag`larini talon-toroj qilish maqsadida, yuk xatlari va “ECAS” elektron dasturiga soxta ma`lumotlar kiritib, umumiy qiymati 20,8 mln. so`m bo`lgan 5.940 kg. paxta xomashyosini qo`shib yozib, hujjatlarni soxtalashtirganligi aniqlangan.
Mazkur holat yuzasidan “Shumanay paxta qabul qilish maskani” mansabdor shaxslariga nisbatan Jinoyat kodeksining tegishli moddalari bilan jinoyat ishi qo`zg`atilib, dastlabki tergov harakatlari olib borilmoqda, deya xabar beradi Bosh prokuratura axborot xizmati.
