Mitog to`foni yaqinlashgani sababli aviakompaniyalar Yaponiyaning janubiga dushanba kungi uchish va qaytish reyslarini bekor qilishni boshladi.
NHK telekanalining xabar berishicha, aviakompaniyalar 38 ta reysni bekor qilinganini ma`lum qilishgan. To`fon arxipelagga yaqinlashgani sayin, bu raqam ham ko`payib bormoqda.
Dushanba va seshanba kunlari u Okinava prefekturasi orollariga va Yaponiyaning g`arbiy sohillariga etib kelishi mumkin, so`ngra Koreya yarim oroliga chekinishi kutilmoqda. Shamol yo`nalishini o`zgartirib, sharqqa tomon yo`nalishi va Yaponiyaning asosiy oroli bo`lgan Xonsyuga to`fon yopirilishi ehtimoli ham yo`q emas.
To`fon hozirda Okinavadan janubi-g`arbda qayd etilgan. Uning markazidagi bosim 975 gektopaskalni tashkil qilmoqda. Shamolning tezligi sekundiga 35 metr, kuchayganda esa uning tezligi sekundiga 50 metrgacha etmoqda.
