Bojxonachilar tomonidan navbatdagi bojxona qonunbuzilishi holati o`z vaqtida aniqlanib, bartaraf qilindi.
Xususan, Toshkent viloyati bojxona boshqarmasi “S.Najimov” chegara bojxona posti xodimlari tomonidan mamlakatimizga kirib kelgan “Kamaz” rusumli beton qorish uchun mo`ljallangan avtoulov belgilangan tartibda bojxona nazoratidan o`tkazildi.
Tekshiruv jarayonida, fuqaro K.A.ga tegishli bo`lgan avtoulovning beton qorish uchun mo`ljallangan sisternasi ichida bojxona nazoratidan yashirilgan 25 million so`mlik “Kamaz” avtoulovining ehtiyot qismlari mavjudligi aniqlandi.
Hozirda ushbu holat yuzasidan bojxona tekshiruvlari davom ettirilmoqda.
