Bojxona organlarining asosiy vazifasi davlatimiz iqtisodiyotini mustahkamlash barobarida ichki bozorlarimizda narx barqarorligini saqlash hamdir. Shu maqsadda yurtimizga kirib kelayotgan har bir tovar moddiy boyliklari jiddiy nazoratdan o`tkaziladi.
Yaqinda ham Buxoro viloyati bojxona boshqarmasi Kontrabanda va bojxona qonunchiligi buzilishiga qarshi kurashish bo`limi xodimlari viloyat hududida faoliyat ko`rsatuvchi tadbirkorlik sub`ekti nomiga xorijiy kompaniya tomonidan yuborilgan tovarlarni bojxona nazoratidan o`tkazishdi. Bir qarashda barchasi binoyidek, mazkur tovarlar davlatimiz rahbarining2018 yil 2 fevraldagi PF-5194-sonli Farmoyishi asosida bojxona to`lovlaridan imtiyoz qo`llanilgan holda “Erkin muomalaga chiqarish” bojxona rejimiga rasmiylashtirish uchun ro`yxatga olingan.
Ammo, masalaga jiddiy yondashgan bojxonachilar bojxona yuk deklarasiyasida ko`rsatilgan tovar nomi bilan asl tovarlarning o`zaro mutanosibligini tekshirish maqsadida Toshkent to`qimachilik va engil sanoat institutiga murojaat etishdi. Natijada, tovarlardan olingan namunalar va hujjatda nomi keltirilgan tovarlar o`zaro bir xil emasligi o`z tasdig`ini topdi.
Mazkur holat yuzasidan jami 497, million so`m qo`shimcha bojxona to`lovlari xisoblanishi lozimligi aniqlandi va tekshiruv ishlari boshlab yuborildi.
