AQShning Ayova shtati universiteti xodimlari 12 daqiqada baxtli bo`lish mumkinligini aytishdi, deya xabar bermoqda Actualnews.org nashri.
Universitet psixologi Duglas Jentile o`tkazgan tadqiqotga ko`ra, har bir kishi 12 daqiqada baxtli bo`lishi mumkin ekan. Buning uchun kishi yonidan o`tib ketayotgan har qanday odamga xayolan baxt, omad tilash lozim. Shu tarzda 12 daqiqa o`tmasdanoq kishi o`zini baxtli his eta boshlaydi. Atrof-muhitga ijobiy hissiyotlarni “sochish” bilan shaxsiy xavotirlarni yo`qotib, ijtimoiy aloqalarni kuchaytirishga yordam beradi.
