Oliy va o`rta maxsus ta`lim vaziri Inomjon Madjidov Parijdagi Xalqaro modalar akademiyasi Prezidenti Jan-Fillip Vaklyuer rahbarligidagi delegasiyani qabul qildi. Bu haqda Oliy va o`rta maxsus ta`lim vazirligining matbuot xizmati xabar berdi.
Uchrashuvda oliy ta`lim sohasidagi hamkorlik aloqalarini mustahkamlash, yuqori malakali kadrlar tayyorlash bo`yicha qo`shma dasturlarni amalga oshirish masalasi muhokama qilindi.
Muzokaralar natijasida Toshkent to`qimachilik va engil sanoat instituti bilan hamkorlikda fakultet ochish hamda 2019/2020 o`quv yilidan qabulni amalga oshirish rejalashtirildi.
