Komikslar muallifi, yozuvchi va Marvel kompaniyasining sobiq prezidenti Sten Li vafot etdi, deya xabar bermoqda Daily Mail.
U 96 yoshida og`ir kasalliklarni boshidan kechirib qazo qildi.
Sten Li — Marvel kinokoinotidagi ko`plab qahramonlarning, jumladan, O`rgimchak-odam, Xalk, Iks odamlar, Temir odam, Tor, Qasoskorlar va Fantastik to`rtlikning muallifidir.
Ma`lumotlariga ko`ra, Li bir necha yillar davomida og`ir kasalliklardan aziyat chekkan, jumladan, pnevmoniya va ko`rish bilan bog`liq muammolar uni qiynab kelgan. Yozuvchi Los-Anjelesdagi tibbiy markazda vafot etgan.
Sten Li amerikalik yozuvchi, muharrir va ko`plab komikslar yaratuvchisi hisoblanadi. U «Kapitan Amerika», «Iks odamlar», «O`rgimchak odam» va boshqa ko`plab filmlarga prodyuserlik qilgan.
