“O`zbekiston temir yo`llari” aksiyadorlik jamiyati axborot xizmatining xabar berishicha, 2018 yil 4 noyabr kuni soat 16.30 dan boshlab yo`lovchi poezdlarga avtomatik tizimida chiptalar sotish vaqtinchalik to`xtatilgan.
Bunga tizimda olib borilayotgan profilaktik ishlar sabab qilib ko`rsatilmoqda. E`londa qayd etilishicha, ayni damda chiptalar kassalarda vaqtinchalik avtomatik tizimisiz ro`yxatdan o`tkazilyapti.
