Rossiya hukumati mamlakatga nisbatan joriy qilingan sanksiyalarga javoban AQSh, Evropa Ittifoqi mamlakatlari, Avstraliya, Kanada va Norvegiya qirolligidan agromahsulotlarni import qilishni taqiqlab qo`ydi. Bu haqda payshanba kuni RF hukumati bosh raisi Dmitriy Medvedev ma`lum qildi.
Endi 7 avgust kunidan Rossiyaga AQSh, Evropa Ittifoqi mamlakatlari, Avstraliya, Kanada va Norvegiya qirolligidan mol go`shti, cho`chqa go`shti, sabzavot, meva, qo`sh go`shtlari, baliq, pishloq, sut va sutli mahsulotlarni olib kirish taqiqlanadi.
Taqiq muddati bir yil bo`lib, faqatgina bolalar uchun mo`ljallangan mahsulotlarga tegishli emas, deya xabar beradi Vesti.ru.
Shuningdek, Dmitriy Medvedev mahalliy agromahsulotlar narxini sun`iy ko`tarilishiga yo`l qo`yilmasligini va tegishli vazirliklar mahsulotlar narxini nazorat qilishlarini qayd qilib o`tdi.
