O`zbekiston va Tojikiston o`rtasidagi avtobus qatnovi aprelda tiklanadi. Bu haqda Sputnik Tojikiston "Asian Express Terminal" transport kompaniyasi rahbari Sulton Kamolovga tayanib xabar berdi.
Uning so`zlariga ko`ra, avtobuslar Dushanbedan Denov va Termizga, Panjikentdan Samarqandga va Xo`janddan Toshkent hamda Farg`onaga qatnaydi.
Ammo hozircha tojik va o`zbek transportchilari shaharlararo avtobuslarda qatnov bo`yicha tariflarni kelishib olganicha yo`q.
Yaqin kunlarda Tojikiston kompaniyasi delegasiyasi Toshkentga kelishi kutilmoqda.
Tashrif davomida shaharlararo avtobus qatnovi tariflari bo`yicha yakuniy kelishuvga erishish rejalashtirilmoqda.
