Professional bokschimiz Shohjahon Ergashev (12-0-12 KO) joriy yilning 28 aprel kuni Nyu Yorkda o`zining navbatdagi jangini o`tkazadi.
— Men Bruklindagi «Barclays Center» sport majmuasida 28 aprel kuni ringga ko`tarilaman. Ayni damda proumoterlarim bu jangda menga raqiblik qiladigan bokschini qidirishmoqda. Uning nomi shu kunlarda aniq bo`ladi. Bu kabi sovrinli musobaqada ilk marotaba ishtirok etayotganim bois otajonimni yonimda bo`lishini xohladim va mazkur jangda menga dadam murabbiylarim qatorida dono maslahatlarini beradilar, – deydi engilmas bokschi Shohjahon Ergashev O`zA muxbiriga bergan intervyusida.
