UZOQ UMR KO`RIShNING MUHIM OMILI
AQShlik olimlar ovqatlanish rasionidagi kichik o`zgarishlar umrni uzaytirishga turtki bo`lishi mumkin, degan xulosaga kelishdi. Mazkur tadqiqot yakunlari “New England Journal of Medicine” jurnalida chop etildi.
Mutaxassislar 74 mingdan ziyod yoshi ulug` insonlarning qanday taom iste`mol qilayotgani, parhezga rioya etishi kabi bir qancha jihatlarni 12 yil davomida o`rganishdi. Aniqlanishicha, rasion sifatining 20 foiz oshishi erta o`lim xavfini qariyb 17 foizgacha qisqartirarkan. Aksincha, sifat pasayishi uning ehtimolini 6 — 12 foiz oshirarkan.
Shunday qilib, sog`lom ovqatlanish inson salomatligi uchun juda muhim, degan fikr yana bir karra o`z tasdig`ini topdi.
