- Olma, nok, zanjabil, chinnigul, qizil atirgul suvi va na`matak miya faoliyatiga yaxshi ta`sir qiluvchi mahsulot sirasiga kiradi.
- Oshqozon faoliyatini yaxshilash uchun behi, dolchin, chilon jiyda iste`mol qiling, chinnigul, qizil atirgul, ziradan esa choy damlash mumkin.
- Yurak faoliyatini yaxshilovchi dorivor o`simliklar: ravoch, nok, anor, behi, dolchin, zarchava, olma, oshko`k, kashnich, qahrabo, dolchin, chilon jiyda, qizil atirgul.
- Ich ketishini to`xtatish uchun guruch, mosh, no`xat, qahrabo, zira, tariq, kraxmal (kartoshka va mosh unlaridan tayyorlangan kraxmal) iste`mol qilgan ma`qul.
- Safroni haydashda esa olxo`ri, qizil atirgul, sirka, asal va sut zardobi qo`l keladi.
- Balg`amni ko`chirishda sabur, sano barglari, zira, qora murch, qizil murchdan foydalanish tavsiya etiladi.
- O`tni haydovchi moddalarga lavanda, sano barglari ishlatiladi.
- Asabni tinchlantiruvchi tabiiy vositalar sifatida salat bargi va uning urug`i, kashnich, qizil atirgul, limon, chilon jiydadan foydalaniladi.
- Siydik haydovchi va terlatuvchi mahsulotlarga petrushka, moychechak, mingyaproq, anis, dolchin kiradi.
- Qorinda el yig`ilsa, zira, zanjabil, bodiyon, petrushka, shivit, qora murch qo`llanilgan.
Manba: “SUG‘DIYONA” gazetasi.
