1. Harorat me`yori buzilganda
Barglari qiyshayib, to`q tusga kiradi va to`kila boshlaydi (sabab: juda past harorat).
Pastdagi barglar so`liy boshlaydi, barg qirralari qorayadi va to`kiladi (sabab: juda yuqori harorat).
Gul juda tez so`liydi (sabab: juda issiq havo).
Qish yoki erta bahorda, yaxshi yorug`likda tekis uzaygan barg va bandlar (sabab: juda issiq havo).
Barglar tez sarg`ayib, tez to`kiladi (sabab: to`satdan havo haroratining o`zgarishi).
2. Yorug`lik etishmayotganda
Barglar me`yordan kichik va rangi odatdagidan ochroq bo`ladi.
Kichik g`unchalar yoki g`uncha ochuvchi gullarda g`unchaning bo`lmasligi.
Pastki barglar sarg`ayib, qurib to`kiladi.
O`sishdan to`xtaydi.
Rang-barang barglar yashil tusga kiradi.
3. Yorug`lik haddan ziyod bo`lganda
Barglarda kuyish natijasida jigarrang yoki kulrang dog`lar paydo bo`ladi.
Barglar kunduzi egilib qoladi.
Barglar oqaradi.
Soyani sevuvchi gullar bargiga ajin tushib, nobud bo`ladi.
4. Havo namligi past bo`lganda
Barg uchi so`lib, jigarrang tusga kiradi.
Barg chetlari sarg`ayib, bukilib qoladi.
Kurtak va gullari so`lib, to`kiladi.
Quruq havoga sezuvchanligi yuqori bo`lgan gullarning barglari to`kiladi.
5. Havo namligi o`ta yuqori bo`lganda
Barglarda kulrang, chirigan dog`lar paydo bo`ladi.
Barg bandi chiriydi. Juda sezuvchan kaktus va boshqa sukkulent oilasiga mansub gullarda bu holat yuz beradi.
Gul g`unchalarda ham kulrang dog`lar paydo bo`ladi.
6. Gulga mineral o`g`itlar etishmayotganda
Sekin o`sadi; zararkunanda va kasalliklarga qarshi kurashi sustlashadi.
Barglar oqaradi va sariq dog`lar paydo bo`ladi.
Gul g`unchasi o`sib chimaydi, o`ssa ham kichik va rangi och bo`ladi.
Nimjon bandlar, pastdagi barglarning muddatdan oldin tushib qolishi.
7. Mineral o`g`itlar me`yordan ortiq solinganda
Barglarning bukilib ketishi.
Gul usti tuprog`ida oqlik paydo bo`ladi, keramik idishga ekilgan gultuvagining tashqarisi ham oqarib qoladi.
Barg chetlari qurib, quruq jigarrang dog`lar paydo bo`ladi.
Manba: «Sug'diyona» gazetasi
