Ko`ksaroy qarorgohida Qirg`iziston Respublikasi Prezidentini rasmiy kutib olish marosimi bo`ldi.
Oliy martabali mehmon sharafiga faxriy qorovul saf tortdi. Shavkat Mirziyoev va Almazbek Atamboev shohsupaga ko`tarildilar. O`zbekiston va Qirg`izistonning davlat madhiyalari yangradi. Prezidentlar faxriy qorovul safi oldidan o`tdilar, deya xabar beradi O`zA nashri.
Shundan so`ng davlat rahbarlarining tor doiradagi uchrashuvi boshlandi. Muloqotda mamlakatlarimiz o`rtasidagi o`zaro manfaatli hamkorlikni yanada rivojlantirish istiqbollari muhokama qilinishi, tomonlarni qiziqtirgan mintaqaviy va xalqaro masalalar yuzasidan fikr almashilishi rejalashtirilgan.
