Dunyodagi eng yirik temir yo`l ishlab chiqaruvchilaridan biri Xitoyning CRRC kompaniyasi yangi turdagi, ya`ni magnit yostiqchasidagi poezdlarni ishlab chiqarishni yo`lga qo`yganini ma`lum qildi. Bunday turdagi texnologiya “maglev”(Ingliz tilidan tarjima qilinganda magnit levitasiya) deb ham ataladi.
Kompaniya xodimlarining ma`lumot berishicha, yangi ishlanma soatiga 600 kilometr masofani bosib o`tishga qodir. Bunday ko`rsatkich hozirgacha dunyoning hech bir yo`lovchi poezdi tomonidan qayd etilmagan. O`tgan yili Yaponiyadagi yo`lovchi poezdlar soatiga 590 kilometr masofani bosib o`tib, rekord o`rnatgan edi.
Yangi turdagi poezdlar 2027 yilga kelibgina yo`lovchilarni tashish imkoniga ega bo`ladi. Uni hayotga tatbiq etish uchun yaxshigina mablag` zarurligi ta`kidlanmoqda.
Xitoy magnit yostiqchada harakatlanadigan poezdlardan foydalanish bo`yicha dunyoda etakchi mamlakatlardan biri sanaladi. Mana shunday liniya bir necha yildan buyon Shanxay aeroportini shahar markazi bilan bog`laydi. Undagi poezdlar esa soatiga 430 kilometr masofani bosib o`tadi.
