«O`zbekiston havo yo`llari» MAK Xitoyning Guanchjou aeroportiga ilk yuk parvozini amalga oshirdi.
20 sentyabr kuni «O`zbekiston havo yullari»ning yuk samolyotida «Navoi» xalqaro aeroportidan Guanchjouga reys amalga oshirildi.
Yangi yuk aviaqatnovining ochilishi milliy aviatashuvchiga «Navoi» aeroportidan xalqaro qatnovlar geografiyasini kengaytirish imkonini beradi.
Ushbu aviaqatnov o`zbekistonlik eksportchilarga yangi imkoniyatlar eshigini ochib, ikki mamlakat o`rtasidagi iqtisodiy biznes-hamkorlikni mustahkamlaydi.
Ayni damda «Navoi» xalqaro aeroportidan Milliy aviatashuvchining samolyotlarida Frankfurt, Dehli, Dubay, Shanxay va Tyanszinga yuk reyslari amalga oshiriladi.
